Օրբելի եղբայրների փողոց 57-7
Նախատեսվող հասարակական շենքը գտնվում է Օրբելի եղբայրների փողոցի 57/7 հասցեում։ Այն բաղկացած է երեք կիսանկուղային և չորս վերգետնյա հարկերից։ Կիսանկուղային հարկերում տեղակայված են գրասենյակային տարածքներ, սպա (SPA) գոտի և պոմպակայան, իսկ վերին հարկերը նախատեսված են որպես գրասենյակներ։ Շենքի կառուցվածքը միաձույլ երկաթբետոնյա հիմնակմախք է՝ հարթ տանիքով և ներքին ջրահեռացմամբ։ Ճակատների հարդարման մեջ կիրառվելու են կերամոգրանիտե սալիկներ, բարձրորակ սվաղ, փայտե պերգոլաներ և մետաղական ցանց։
Հակահրդեհային անվտանգության միջոցառումները ներառում են հակահրդեհային ինքնափակվող դռներ, վերելակի հորանի ծխահեռացման համակարգ և ընդհանուր օգտագործման տարածքների հակահրդեհային ջրամատակարարման համակարգ։ Փողոցի բարեկարգման շրջանակներում նախատեսվել է բացօթյա ավտոկայանատեղի։
Հիմնական ցուցանիշներ՝ Հողամասի մակերես – 332.57 քմ Կառուցապատման մակերես – 281.00 քմ (84.5%) Կանաչապատ տարածք – 42.57 քմ (12.8%) Շենքի բարձրություն – 16.90 մ Ընդհանուր կառուցապատման մակերես – 2,037.6 քմ
