Բնակելի շենք Աբովյան քաղաքում
Գտնվելով քաղաքի գլխավոր մուտքերից մեկի հարևանությամբ՝ կարևոր խաչմերուկում, նախագիծը կոչված է ստանձնելու գերիշխող քաղաքաշինական դեր և ձևավորելու տվյալ տարածքի ճարտարապետական նկարագիրը:
Շենքն ունի 1 ստորգետնյա հարկ (-3.60 մ)՝ նախատեսված ավտոկայանատեղիի համար, 1 հասարակական հարկ՝ գետնախարսխային մակարդակում (±0.00), և 15 բնակելի հարկ (+5.10-ից մինչև +51.30 մ): Աստիճանավանդակների դռները հակահրդեհային են և ինքնափակվող: Ավտոկայանատեղիի մուտքն ապահովված է բնակելի գոտու կողմից:
Կառուցվածքը միաձույլ երկաթբետոնե հիմնակմախք է՝ պեմզաբետոնե բլոկներից արտաքին պատերով: Ճակատները օդափոխվող են և ջերմամեկուսացված՝ երեսպատված տրավերտինով, սև տուֆով և այլ բարձրորակ նյութերով: Տանիքը հարթ է՝ ներքին ջրահեռացմամբ: Նախագիծը ներառում է նաև հարակից տարածքի բարեկարգում և կանաչապատում:
Հիմնական տվյալներ՝
- Հողամասի մակերես՝ 2,863 մ²
- Կառուցապատման մակերես՝ 1,020.4 մ² (35.6%)
- Կանաչապատում և բարեկարգում՝ 1,460.14 մ² (51%)
- Հարկայնություն՝ 15 բնակելի + 1 հասարակական + 1 ստորգետնյա
- Բարձրություն՝ 59.3 մ
- Բնակարանների քանակ՝ 204
- Ավտոկայանատեղեր՝ 46
- Շինարարության ընդհանուր մակերես՝ մոտ 22,580.7 մ²
